Кәсіпкерлік және бизнес негіздері пәнінен 10 сынып оқушылары өздерінің бизнес идеяларын жүзеге асырып, жасаған прототиптерін тұтынушыларға ұсынып, жас кәсіпкерлер жәрмеңкесі ұйымдастырылды. Мақсаты: Оқушылардың өздері жасаған өнімдерін сатып, кез келген бизнеспен айналысуға болатынын, алға мақсат қойып, өзінің қалауын жүзеге асыруды, қолынан келетін іспен айналысып, қаражат табу жолдарын үйрету.

«Үшқоңыр орта мектеп-гимназиясы» жұмыс жоспарына сәйкес «Best жас маман – 2022» байқауы өтті. Жас мамандардың біліктілігі мен өз кәсібінің жан-жақты шебері екендігін сынау арқылы, оларды іскерлікке, өз кәсібіне үлкен жауапкершілікпен қарауға баулып, біліктіліктерін арттырып, ғылыми қабілеттілігін жетілдіру мақсатында ұйымдастырылды. Мектеп бойынша үздік жас мамандар анықталып, марапатталды.