"Менің педагогикалық идеям" тақырыбында жас мамандарға арналған тренингтік-жаттығулар

«Алматы облысы білім басқармасының 

Қарасай ауданы бойынша білім бөлімі» ММ 

«Үшқоңыр орта мектеп-гимназиясы» КММ

ХАТТАМА

Өткізілген күні: 25 қыркүйек

Өткізілген орны: Мектеп кітапханасы

Іс-шараның атауы: «Менің педагогикалық идеям» тренингтік-жаттығулар

Мақсаты:

• Мұғалімдердің педагогикалық идеясын анықтау, жүйелеу және  ортаға салу.
• Әріптестермен тәжірибе алмасу арқылы шығармашылық ізденісті ынталандыру.
• Мотивация мен ерік-жігерді арттыру.

Міндеттері: 

-  жас маманға өзін-өзі тәрбиелеуге үйрету, бейімділіктерін дамытуға үйрету, рухани адамгершілікке тәрбиелеу.

Қатысушылар: Жас мамандар 

Іс-шараның өту барысы: 

1. «Мені білесіздер? Білмейсіздер?» жаттығуы. Қатысушылар өздерін бір сөйлеммен таныстыруы қажет. Мысалы, «менің атым Мақпал екенін білесіздер, менің әнші екенімді білмейсіздер?». Жаттығу аяқталған соң қатысушылар көңіл-күйлерімен бөлісу арқылы кері байланыс береді.
2. «Мұғалім болу ...» жаттығуы. Қатысушыларға слайд арқылы сұрақтар көрсетіледі. Қатысушылар сұрақтар бойынша өз ойларымен бөліседі. Сұрақтарға толық жауап берілген соң, қатысушылардан қандай сезімде болғаны туралы кері байланыс алынады. Жүргізуші қатысушылармен сұрақтар туралы түсіндірме жұмысын жүргізеді.  
3. «Суреттегі ой» жаттығуы.  Қатысушылар топқа бірігеді. Әр топқа сурет беріледі, өз педагогикалық идеясын бір-біріне айтып талқылайды. Топпен бірігіп, бір постер қорғайды. Жаттығулар аяқталған соң қатысушылармен жалпы ойын-жаттығулар бойынша кері байланыс жүргізіледі

Педагог-психолог:                А.Кулмахашева

                                М.Гаитова